كيف تتعامل مع خطيبتك

هل انت من الخاطبين الجدد؟؟

هل هذه تجربه جيديه وغريبه عليك ؟؟

تابع معي الخطوات التاليه لتوضح لك طريقة التعامل مع الخطيبه

ـ خليك دايماً على اتِّصال بخطيبتك؛ للاطمئان عليها، ومفيش مانع من كلمة حلوة؛ لأن الموضوع ده هيترك أثر جامد في نفسها.

2 ـ حسّسها دايماً إنها أحلى بنت في الوجود، وإن دي فعلا البنت اللي كنت بتتمناها من زمان.

3 ـ انتهز أي فرصة وهات لها هدية حتى لو بسيطة؛ لأن الهدايا بتقرّب المسافات، وبتفرّح أي حد.

4 ـ تجنب أي تصرف يدلّ على العنف والتهور، زي لما تكونوا خارجين وحدّ يبص لها تقوم تضربه أو تتخانق معاه.. يعني من الآخر كده: خليك جنتل مان في كل تصرفاتك.

5 ـ راعي مشاعرها في تصرفاتك، واوعى تبص أو تعاكس أو حتى تمدح في بنت تانية قُدّامها.

6 ـ حسّسها دايماً بإنك قادر على تحمُّل مسئولية الحياة بعد الجواز، وده عن طريق إنك تتكلم معاها في أمور الحياة، وتديها آراء جادة، دون الاعتماد على آراء الآخرين.. يعني مش لما تسألك على حاجة تقول لها: معرفش.. لما أسأل بابا أو أسأل ماما؛ لأن الكلام ده ممكن إنه يضايق أي بنت، ويحسّسها إن خطيبها غير قادر على تحمل المسئولية.

7 ـ اشرح لها إمكانياتك المادية وطموحك اللي ناوي تحققه في ضوء الإمكانيات دي من غير كدب أو تزييف.